Dette er en bildetkest!

Lorem Ipsum is simply dummy text of the printing and typesetting industry. Lorem Ipsum has been the industry's standard dummy text ever since the 1500s, when an unknown printer took a galley of type and scrambled it to make a type specimen book. It has survived not only five centuries, but also the leap into electronic typesetting, remaining essentially unchanged. It was popularised in the 1960s with the release of Letraset sheets containing Lorem Ipsum passages, and more recently with desktop publishing software like Aldus PageMaker including versions of Lorem Ipsum.

Dette er en annen bildetekst her ja Dette er en annen bildetekst her ja

Heisann dette er en tekst under et fullbredde bilde

Eidsdal/Norddal Område

Blåhornet-Kilstisætra

Startpunktet på Gjerdeneset ligg etter om lag 5km køyring på kommunevegen mot Kilsti.  Her startar skilta rås opp mot Kilstivatnet.  Ein går langs vatnet framom ei båstø.  Det er mogleg å trille vogn opp hit ved å nytte grusvegen gjennom tunet på den fyrste garden etter parkeringsplassen.

Vidare frå båstøa fylgjer ein skilta rås mot Ospahjellen.  Det er jamn stigning på god rås mot toppen av Blåhornet.  Merk at råsa deler seg like etter ei myr, mellom nokre bergnabbar.  Her tek du til venstre mot toppen.  Rekne ca 1.5 time ein time opp med born.

Toppen byr på overraskande god utsikt og eit storslått panoramabilete over Norddalsfjorden med kringliggande bygder.  Frå nordsida av toppen er det mogleg å fylgje bratt og noko krevjande rås nedover mot Flåna.  Litt luftig.  På denne sida av toppen er det farlege stup ned mot Verpesdalen.  Pass på borna!

Råsa nedover mot Kilstisætra fylgjer den sørlege ryggen som utgjer kanten mot Verpesdalen.  Råsa er bratt eit kort stykke og går nær stupkanten.  Vel halvvegs til sætra kan ein ta av frå åsryggen og fylgje rås ned til Verpesdalen.

Kilstisætra var i drift fram til slutten av 1960-talet.  Fire bruk på Kilsti og eitt nede i bygda sætra her.  Den gongen vart mjølka rodd over vatnet når fjøsstellet var gjort, og boren vidare ned til gardane.

Returen til parkeringsplassen går på god ras i lett og idyllisk terreng langs nordaustsida av vatnet.  Frå Gjerdeneset direkte til sætra reknar du ein knapp time med små born.

Rellingsætra-Storvatnet

Med dei ville Skoretoppane på vestsida og det majestetiske Storvasshornet med blåbrear som siktepunkt, er turen framover Dyrdalen ei mektig naturoppleving!  Terrenget er lett med svak mote, og råsa er god, så her er fint for born og.  Namnet Dyrdalen kjem av at det var mykje rein her i tidlegare tider.  Dette vert og stadfesta av dei mange sotene/fangstanlegga i fjella kring dalen.

Du køyrer kommunevegen opp mot Litleåsen og set bilen på parkeringsplassen like etter Hatlestadgardane.  Vil du unngå trasking langs veg, kan du køyre vidare på den 3 km lange bomvegen heilt fram til Rellingsætra.  Frå parkeringsplassen her går vi tvers over sætrevollen, mellom sela og kryssar den gamle sætrevegen.  Her får vi straks auge på ei markert rås som kryssar fleire små bekkar og går i slakt terreng langs elva (Dyrdøla) framover dalen.

Ruta fylgjer denne råsa som går på vestsida av Dyrdøla, like ved elva, heilt fram til Litlevatnet.

Etter om lag 20 minutt går vi framom brua der ein finn ruta til Innsetsætra og Torvløysa.  Turen frå Rellingsætra til Innsetsætra er godt eigna for born og tek ikkje stort meir en 1/2 time for ein 4-åring.  Pass på ungane ved brua, elva kan vere stri!

Råsa vidre framover Dyrdalen er tydeleg og merkt.  Like framom skoggrensa kjem ein til Langhaugane, ein stor ende- og sidemorene.  Like etter går ein framom Grøntjørna, som ligg i ei daudisgrop.  Ved Litlevatnet kryssar ein elva på ei enkel bru og følger råsa mot hytta som står lengst aust i nordenden av Storvatnet.  Her finn ein fleire fine rasteplassar i ly av bergnabbar og steinar.  Storvatnet er elles eit bra fiskevatn, og det lokale idrettslaget har turpost her.

Geiranger området

Skageflå-Homlong

Fjellgarden Skageflå har for mange ein heilt spesiell aura ikring seg.  Det vesle bruket 250 stupbratte meter over Geirangerfjorden har blitt sjølve symbolet på hyllegardane og strandsitjargardane.  I dag skulle ein ikkje tru at dette ein gong var rekna nærast for ein storgard i lokalmiljøet, men på det meste fora dei kring 120 mjølkegeiter her, og hadde i tillegg 20-30 sauer, 6-8 kyr og 1 hest!

Skageflå vart fråflytta i 1916, men det vart slått her oppe heilt til slutten på 1960-talet, og høyet vart frakta på løypestreng ned til fjorden og rodd over til Grande eller inn til Homlong. 

Turen startar med båt ut fjorden frå Geiranger.  I Skagehola hoppar ein i land og tek fatt på råsa som smyg seg opp fjellsida.  Terrenget er særs bratt, men på dei mest utsette partia er det hogd ut trinn i fjellet, og råsa er sikra med rekkverk.  Dette er ein mykje brukt tur, også av barnefamiliar, - mindre born bør likevel ikkje få gå åleine.  Flotte utsynspunkt undervegs, og reint majestetisk oppe på garden: utover fjorden og mot fossefallet Dei sju systrer (Knivselvane).

Frå Skageflå held den gode råsa fram i bratt og dels luftig terreng opp til Homlongsætra.  Undervegs passerer ein sætretuftene på Bjønnastien.

Frå Homlongsætra til Homlong er det lett unna på rås som heile vegen går rett innanfor stupkanten mot fjorden.  Langs råsa er det fleire merkte kulturminne.

Grinddalsætra og Vinsåshornet

Turen opp Grinddalssætra høver godt for born frå fem-seks års alder.  Undervegs får ein ta del i ei svært tragisk skredhistorie.  I 1907 losna Bakkefonna høgt oppe i Laushornet og sopa med seg både hus og folk.  Ti menneske omkom i ulykka.

Turen startar frå Hole Hytteutleige, oppe i Geirangerbygda.  Her kan det vere vanskeleg å få parkert, så spør i resepsjonen ved hyttene kvar du kan setje bilen.

Ein går grusvegen mot Vesterås, men svingar av på traktorveg mot høgre straks etter hyttene på Hole.  Vegen deler seg igjen ved ei grind, og en tek til venstre.  Deretter fylgjer ein grusvegen.  Etter nokre svingar er det skilta til venstre mot Holebakk.  Vel ein denna ruta, får ein og med bruket Holebakk og minnetavla som er reist der. 

Ein kan rekne om lag 45 minutt på grusvegen før ein kjem over på ei svært god rås.  Nokre få utsynspunkt har bratte skrentar mot elva frå Vesteråsdalen.

Turen opp til Grinddalssætra tek nye 45 minutt, og frå dei bratte liene kring Geirangerbygda kjem ein opp i ein idyllisk, flat fjelldal.

Her kan ein ta ut kursen mot Vinsåshornet, den markerte toppen på sørsida av dalmunningen.  Ein fylgjer råsa vidare frå stølen og oppover dalen.  Elvekryssing på solid bru etter om lag 500m.  Merkt turrute skråar innover dalen og oppover fjellsida mot det lågaste punktet på ryggen til Vinsåshornet.  På ruta kan ein og oppleve restar etter fleire bogestøer og dyregraver.  Oppe i skaret fylgjer ein høgda nordvest til sjølve toppen.  Her har ein panoramautsyn mot Geirangerfjorden!